Keçmiş nazir axtarışa verildi - FOTO
Rusiya Daxili İşlər Nazirliyi keçmiş Rabitə və kütləvi nformasiya naziri Nikolay Nikiforovu axtarışa verib.
Bu barədə "RİA Novosti" agentliyi məlumat yayıb.
"Nikiforov Nikolay Anatolyeviç. Axtarış elanının səbəbi: Cinayət Məcəlləsinin maddəsi ilə axtarışdadır", - nəşr məlumat bazasındakı bildirişə istinadən yazıb.
Nikiforov məşhur “Finiko” maliyyə piramidasının banilərindən biri sayılır və ona qarşı mütəşəkkil cinayətkar dəstə yaratmaq, külli miqdarda dələduzluq ittihamları irəli sürülüb.
Xatırladaq ki, sentyabrın 4-də "Kommersant" qəzeti də Nikiforovun "Finiko" maliyyə piramidası ilə bağlı cinayət işində təqsirləndirilən şəxsə çevrildiyini yazmışdı. Qəzetin məlumatına görə, maliyyə piramidası nəticəsində 8000-dən çox insan zərər çəkib.
Keçmiş məmur hazırda xaricdədir, ona görə də ittihamlar qiyabi olaraq irəli sürülüb.
