Bakıda Türkiyə–Azərbaycan B2B görüşləri keçiriləcək
24 fevral 2026-cı il tarixində Bakıda “Türkiyə–Azərbaycan Ticarət Nümayəndə Heyəti və B2B Görüşləri” keçiriləcək. Tədbir iki ölkə arasında iqtisadi əməkdaşlığın genişləndirilməsi və işgüzar əlaqələrin dərinləşdirilməsi məqsədi daşıyır.
Tədbir Türkiyə Respublikası Ticarət Nazirliyinin koordinasiyası ilə Türkiyə İxracatçılar Assambleyası (TİM) tərəfindən, AZPROMO və KOBİA ilə əməkdaşlıq çərçivəsində, TÜİB-in tərəfdaşlığı ilə təşkil olunur.
Görüşlər çərçivəsində Türkiyənin müxtəlif sektorlarını təmsil edən aparıcı şirkətlərin nümayəndələri ilə birbaşa ikitərəfli işgüzar (B2B) görüşlər keçiriləcək. Tədbir yeni tərəfdaşlıqların qurulması, investisiya imkanlarının müzakirəsi və ticarət əlaqələrinin inkişafı üçün əlverişli platforma təqdim edir.
Azərbaycanın biznes ictimaiyyətinin nümayəndələri tədbirdə iştirak etməyə dəvət olunur. Qeyd edək ki, Xpress.az tədbirin media dəstəkçisidir.
