Valyuta.az 5 yaşında: Oxucuların güvəni ilə böyüyən brend
Bu gün Valyuta.az xəbər portalının fəaliyyətə başlamasından 5 il ötür.
Portal 17 fevral 2021-ci il tarixində təsis olunub və ötən müddət ərzində iqtisadiyyat və maliyyə sahəsində operativ, dəqiq və müstəqil informasiya mənbəyi kimi fəaliyyət göstərib.
Valyuta.az-ın əsas məqsədi oxucuları maliyyə bazarlarında baş verən dəyişikliklər, bank sektorundakı yeniliklər, ölkə iqtisadiyyatındakı proseslər və qlobal bazarlardakı hadisələr barədə çevik və etibarlı məlumatlarla təmin etməkdir.
Saytda gündəlik xəbərlərlə yanaşı, iqtisadi təhlillər, müsahibələr, araşdırmalar və ekspert rəyləri dərc olunur. Bununla yanaşı, rus dili bölməsi də paralel şəkildə oxucuların ixtiyarına verilib.
Beş il ərzində Valyuta.az ölkədə istinad edilən və etimad qazanan aparıcı iqtisadi informasiya portallarından birinə çevrilib. Hər gün minlərlə oxucu Azərbaycan və dünya iqtisadiyyatı ilə bağlı yenilikləri izləmək üçün sayta müraciət edir.
Xpress.az kollektivi həmkarlarını 5 illik yubiley münasibətilə təbrik edir, gələcək fəaliyyətlərində uğurlar arzulayır.
