Müşavir: “Dövlət Turizm Agentliyi iki ildə 15 ictimai çimərlik yaradıb” - VİDEO
“Dövlət Turizm Agentliyi tərəfindən 2025-ci ildə də Xəzər rayonunun Şüvəlan və Mərdəkan qəsəbələri ərazisində, ümumilikdə 15,3 hektar sahəni əhatə edən 5 çimərlikdə müasir tələblərə cavab verən ictimai (ödənişsiz) çimərlik yaradılıb. 2026-cı ildə isə Türkan, Şüvəlan, Şıx, Novxanı və Coratda ümumi ərazisi 30 hektar olan 10 yeni ictimai çimərlik yaradılıb”.
Xpress.az xəbər verir ki, bu barədə Dövlət Turizm Agentliyinin sədrinin müşaviri Kənan Quluzadə Azərbaycan Televiziyasına açıqlamasında bildirib.
O qeyd edib ki, son iki il ərzində Dövlət Turizm Agentliyi tərəfindən 15 ictimai çimərlik yaradılıb.
Müşavirin sözlərinə görə, bu ictimai çimərliklərdə vətəndaşlar yalnız yalnız stol-stul və şezlonq kirayəsinə görə ödəniş edirlər.
K.Quluzadə deyib ki, ictimai çimərliklərdə avtodayanacaqlardan, duş kabinələrdən, sanitar qovşaqlardan, uşaq-əyləncə meydançalarından, futbol və voleybol meydanlarından yararlanmaq ödənişsizdir.
