Yeni ictimai çimərliklər əhalinin istifadəsinə verildi - VİDEO
“Dəniz həmin dənizdir, amma sahil, o sahil deyil. Bir zamanlar bataqlıq olan bu ərazi indi hamı üçün açıq və ödənişsiz çimərliyə çevrilib. Bu dəyişiklik istirahət edənlər tərəfindən də müsbət qarşılanır”.
Xpress.az xəbər verir ki, bu barədə Azərbaycan Televiziyasının Novxanı və Corat ərazisində yaradılan yeni ictimai çimərliklərdən hazırladığı süjetdə qeyd olunub.
Bildirilib ki, yeni ictimai çimərliklərdə istirahət üçün hərtərəfli şərait var. Vətəndaşlar ictimai çimərliklərdə avtodayanacaqlardan, duş və soyunub-geyinmə kabinələrindən, sanitar qovşaqlardan, uşaq-əyləncə meydançalarından, futbol və voleybol meydanlarından ödənişsiz yararlanırlar. Bu barədə məlumatlandırıcı və istiqamətverici lövhələr ictimai çimərlik ərazisində müxtəlif yerlərdə quraşdırılıb. Vətəndaşlar ictimai çimərliklərdə yalnız stol-stul və şezlonq kirayəsinə görə ödəniş edirlər.
Süjetdə Dövlət Turizm Agentliyi sədrinin müşaviri Kənan Quluzadənin və ictimai çimərlik ərazisində istirahət edən vətəndaşların fikirlərinə də yer verilib.
Daha ətraflı süjetdə:
