“Azərsun Holdinq” Birinci Türkoloji Qurultayın 100 illiyinə həsr olunmuş beynəlxalq simpoziumun tərəfdaşıdır
Azərbaycan Milli Elmlər Akademiyasının (AMEA) Rəyasət Heyətində Birinci Türkoloji Qurultayın 100 illiyinə həsr olunmuş XIV Beynəlxalq Altay Topluluqları Simpoziumu öz işinə başlayıb.
“Altayşünaslığın dünəni, bugünü və sabahı” mövzusuna həsr olunan beynəlxalq simpozium Türk Əməkdaşlıq və Koordinasiya Agentliyi (TİKA), TÜRKSOY, Türk Tarix Qurumu, Beynəlxalq Türk Akademiyası və Xaricdəki Türklər və Əqrəba Topluluqları Başkanlığının (YTB) dəstəyi, AMEA və Folklor İnstitutunun təşkilatçılığı, "Azərsun Holdinq"in tərəfdaşlığı ilə keçirilir.
Beynəlxalq elmi tədbirdə Azərbaycanla yanaşı, Türkiyə, Qırğızıstan, Qazaxıstan, Özbəkistan, Türkmənistan, Tacikistan, Monqolustan, Hindistan, Çin, Yaponiya, Şimali Makedoniya, Macarıstan, Almaniya və Rusiya Federasiyasından alim və tədqiqatçılar iştirak edirlər. Beynəlxalq tədbirin iştirakçıları üçün Azərbaycanın zəngin milli-mənəvi dəyərlərinin, qonaqpərvərlik ənənələrinin və mədəni irsinin təqdimatına da xüsusi diqqət yetirilib.
Azərbaycanın aparıcı qida şirkətlərindən biri olan Azərsun Holdinq "Azerçay" markasinin dəstəyi ilə milli-mənəvi dəyərlərə və ənənələrə sadiqliyini nümayiş etdirərək XIV Beynəlxalq Altay Topluluqları Simpoziumunda tərəfdaş qismində iştirak edir.
