Xankəndidə bu qədər əhali yaşayır

“Xankəndidə genişmiqyaslı yenidənqurma və tikinti işləri həyata keçirilir, ilk sakinlər artıq Xankəndiyə, eləcə də Kərkicahan kəndinə qayıdırlar”.

Bunu Xankəndi şəhəri, Xocalı və Ağdərə rayonlarında Azərbaycan Prezidentinin xüsusi nümayəndəsi Elçin Yusubov Xankəndidə  səfərdə olan diplomatik korpusun nümayəndələri ilə Mədəniyyət Mərkəzində keçirilən tədbirdə deyib. 

“Hazırda Xankəndi şəhərində 28 mindən çox insan yaşayır. Onlar arasında dövlət və özəl sektorda çalışanlar, tələbələr və “Böyük Qayıdış” proqramı çərçivəsində mərhələli şəkildə doğma yurdlarına qayıdan ailələr var”, - deyə xüsusi nümayəndə qeyd edib.

E.Yusubov qeyd edib ki, Xankəndi şəhərinin və Kərkicahan qəsəbəsinin sakinlərinin doğma torpaqlarına qayıdışı mərhələli şəkildə davam edir. Kərkicahan qəsəbəsində yaşayış evlərinin bərpası ilə yanaşı, şəhərdə yeni yollar salınır, binalar yenidən qurulur, müasir infrastruktur yaradılır.

Hazırda Xankəndidə 3 mindən çox tələbənin təhsil aldığını bildirən xüsusi nümayəndə onların şəhər əhalisinin təxminən 10 faizini təşkil etdiyini diqqətə çatdırıb.