Dəhşətli Kəşf: Arxeoloqlar məzarda doğulan körpə sümükləri aşkar etdilər

İtaliyanın Bolonya şəhərində aparılan arxeoloji qazıntılar zamanı elmi dünyanı təəccübləndirən sıra dışı bir hadisə üzə çıxıb. Erkan Orta Əsrlərə aid bir məzarda araşdırma aparan mütəxəssislər, böyük bir qadın skeletinin yanında yeni doğulmuş körpəyə aid kiçik sümüklər tapıblar. Məzarda heç bir qoruyucu tabutun olmaması və cəsədin birbaşa torpağa basdırılması faktı hadisənin sirrini daha da artırıb.
2018-ci ildə reallaşan bu kəşf tibb və tarix dünyasında böyük əks-səda doğurub. Həyatı dayanan bir qadının necə doğum edə biləcəyi sualı ətrafında aparılan araşdırmalar nəticəsində, bu hadisənin tibb tarixində qeydə alınan ilk "məzarda doğum" nümayunəsi olduğu müəyyən edilib.
Elm "tabutda doğum" möcüzəsini necə izah edir?
Tibb ədəbiyyatında "postmortem fetal ekstruziya" (ölüm sonrası dölün xaric olunması) kimi tanınan bu fenomen, hamilə ananın vəfatından sonra bədəndə baş verən təbii proseslərlə bağlıdır.
Ölüm gerçəkləşdikdən 48-72 saat ərzində toxumalarda toplanan çürümə qazları uşaqlıq yoluna təzyiq göstərməyə başlayır.
Körpənin itələnməsi: Yaranan bu daxili təzyiq nəticəsində bətnindəki körpə həyatda olmasa da, bədən tərəfindən mexaniki olaraq xaricə itələnir.
Mütəxəssislər bildirir ki, bu nadir tibbi hadisə ölümün ardından bədənin göstərdiyi son fiziki reaksiya kimi qiymətləndirilir. Bolonyada tapılan bu məzar həm arxeologiya, həm də tibb tarixi üçün unikal bir tapıntı hesab olunur.

Xpress.az