Azərbaycan-Serbiya biznes-forumu keçirildi

Xpress.az xəbər verir ki, Oktyabrın 23-də Belqradda Azərbaycan Respublikası ilə Serbiya Respublikası arasında Ticarət və İqtisadi Əməkdaşlıq üzrə Hökumətlərarası Komissiyanın IX iclası və Azərbaycan–Serbiya biznes forumu keçirilib.
İclasda Komissiyanın həmsədrləri – Azərbaycan Respublikasının maliyyə naziri Sahil Babayev və Serbiyanın mədəniyyət naziri Nikola Selakoviç iki ölkə arasında iqtisadi, ticarət, enerji, nəqliyyat, informasiya texnologiyaları, gömrük, kənd təsərrüfatı, turizm, sosial müdafiə, səhiyyə, təhsil, mədəniyyət, gənclər və idman, eləcə də qida təhlükəsizliyi sahələrində əməkdaşlığın genişləndirilməsi perspektivlərini müzakirə ediblər.
S.Babayev iki ölkə arasında strateji tərəfdaşlığın qarşılıqlı etimada, dostluğa və hörmətə əsaslandığını, prezidentlər İlham Əliyev və Aleksandar Vuçiçin güclü siyasi iradəsi və şəxsi dostluğunun Azərbaycan–Serbiya münasibətlərinin möhkəm təməlini formalaşdırdığını bildirib. 
Tədbir çərçivəsində Azərbaycan və Serbiya arasında Komissiyanın IX iclasının protokolu və KOBİA ilə Serbiya İnkişaf Agentliyi arasında Yol Xəritəsi imzalanıb.
Sonra keçirilən Azərbaycan–Serbiya biznes forumunda dövlət və özəl sektor nümayəndələri, o cümlədən Azərbaycan və Serbiyadan ümumilikdə 50-dən çox şirkət iştirak edib.