Azərbaycanlılar ən çox hansı kreditdən istifadə edirlər?
Statistikaya görə, illik müqayisədə iqtisadiyyata qısamüddətli kredit qoyuluşu 607,1 milyon, uzunmüddətli kredit qoyuluşu isə 2 milyard 208,1 milyon manat artıb. Bu onu deməyə əsas verir ki, Azərbaycan əhalisi uzunmüddətli kreditə daha çox üstünlük verir.
Valyuta.az xəbər verir ki, cari ilin yanvar-sentyabr aylarında iqtisadiyyata qısamüddətli kredit qoyuluşu 4 milyard 953 milyon manat təşkil edib.
Bu ötən ilin eyni dövrü ilə müqayisədə 607,1 milyon manat və ya 13,96% artım deməkdir.
Belə ki, ötən ilin eyni dövründə iqtisadiyyata qısamüddətli kredit qoyuluşu 4 milyard 345,9 min manat olub.
İqtisadiyyata uzunmüddətli kredit qoyuluşu isə cari ilin ilk 9 ayında 25 milyard 511,6 milyon manat təşkil edib.
Bu ötən ilin eyni dövrü ilə müqayisədə 2 milyard 208,1 milyon manat və ya 9,47% artım deməkdir.
2024-cü ilin ilk 9 ayında iqtisadiyyata uzunmüddətli kredit qoyuluşu 23 milyard 303,5 milyon manat olub.
