Bosniya rəsmisindən Prezident İlham Əliyevə Zəfər Günü təbriki
Xpress.az xəbər verir ki, Bosniya və Herseqovinanın Rəyasət Heyətinin üzvü Jelka Tsviyanoviç Azərbaycan Prezidenti İlham Əliyevə Zəfər Günü münasibətilə təbrik məktubu göndərib.
Təbrikdə qeyd olunur ki, bu əlamətdar gün Azərbaycan xalqı üçün böyük əhəmiyyət daşıyır və milli məqsədlərə çatmaq yolunda nümayiş etdirilən güc, əzmkarlıq və birliyi bir daha xatırladır.
Jelka Tsviyanoviç ölkəmizin inkişafını, eləcə də regionda sabitliyin və rifahın qorunması istiqamətində Prezident İlham Əliyevin səylərini yüksək qiymətləndirib.
O, Serbska Respublikası, Bosniya və Herseqovina və Azərbaycan xalqları arasında dostluq münasibətlərinin qarşılıqlı hörmət və anlayış ruhunda bundan sonra da inkişaf edəcəyinə əminliyini bildirib.
Sonda Bosniya və Herseqovinanın Rəyasət Heyətinin üzvü Prezident İlham Əliyevə cansağlığı və uğurlar, Azərbaycan xalqına isə sülh və firavanlıq arzulayıb.
