Havamız necə ÇİRKLƏNİR? – Rəsmi AÇIQLAMA
Bakıda və Abşeronda havanın keyfiyyəti vaxtaşırı ictimaiyyəti narahat edib. Xüsusilə şəhərdə toz, nəqliyyat sıxlığı, sənaye və iaşə tüstüsü nəticəsində yaranan hava çirkliliyi müəyyən günlərdə sağlamlıq üçün təhlükə yaradan səviyyəyə çatır.
Əsasən də allergik reaksiyaları, ağciyər-tənəffüs yolları xəstəlikləri olanlar bundan daha çox əziyyət çəkirlər.
Ekologiya və Təbii Sərvətlər Nazirliyinin Ətraf Mühitin Çirklənməsinin Monitorinq Qrupundan ümumilikdə, havanın keyfiyyət göstəricilərində son illər ərzində müsbət dinamika müşahidə olunur.
Bu da Ümumdünya Səhiyyə Təşkilatının normativ göstəricilərinə demək olar ki, uyğundur:
"“2025-ci ildə aparılan müqayisəli təhlillər göstərir ki, əvvəlki illərlə müqayisədə Bakı şəhəri və Abşeron yarımadasının atmosfer havasında əsas çirkləndirici maddələrin konsentrasiyasında nisbətən azalma müşahidə olunur."
Buna baxmayaraq, aparılan monitorinq nəticələrinə əsasən, günün pik saatlarında, xüsusilə nəqliyyatın intensiv hərəkət etdiyi şəhərin bəzi küçə və prospektlərində dəm qazının konsentrasiyası normadan bir qədər artıq olur.
