Maaşlar 10% artacaq
Rusiya Dövlət Dumasının Büdcə və Vergilər Komitəsinin iclasında maliyyə naziri Anton Siluanov və iqtisadi inkişaf naziri Maksim Reşetnikov gələn il üçün dövlət büdcəsinin planını açıqlayıblar.
Xpress.az xəbər verir ki, Anton Siluanov bildirib ki, büdcə kəsiri təhlükəsiz səviyyədədir — gələn il ÜDM-in 1,6%-i olacaq və daha da azalması gözlənilir. Dövlət borcu isə ÜDM-in 20%-ni keçməyəcək. O, büdcənin neft və qazdan asılılığının azaldılmasına xüsusi diqqət yetirildiyini vurğulayıb.
Maliyyə naziri sosial öhdəliklərin yerinə yetirilməsini, xüsusilə bütün növ müavinətlərin yenidən hesablanmasını prioritet məqsədlərdən biri kimi göstərib.
Xüsusilə sığorta pensiyalarının 7,6% artırılması nəzərdə tutulur. Yaşayış minimumunun demək olar ki, 19 min rubla (+1,2%) və minimum əmək haqqının 27,000 rubla (+27%) çatdırılması fonunda digər ödənişlər 6,8% artacaq.
Maksim Reşetnikov əlavə edib ki, növbəti üç il ərzində real əmək haqqı 10%, real gəlirlər isə 9%-dən çox artacaq.
Ailələrə dövlət dəstəyi də əhəmiyyətli xərcləri təşkil edir: 2026-cı ildə tətbiq ediləcək vahid müavinətlər, güzəştli ipoteka üçün subsidiyalar və vergi cashback-lər üçün 10 trilyon rubldan çox vəsait ayrılıb.
