Türkiyənin ilk astronavtı Alper Gezeravcı Azərbaycanı 8 Noyabr - Zəfər Günü münasibətilə təbrik edib və kosmosdan şəkillər paylaşıb.
Bununla bağlı astronavt "X" sosial şəbəkə hesabında paylaşım edib.
"8 Noyabr Zəfər Gününüz mübarək!
Kosmosdan baxanda sərhədlər görünmür, amma bir millətin əzmi, inamı və mübarizəsi bütün Yer üzündən hiss olunur.
Azərbaycan xalqının qəhrəmanlığı ilə qazanılan bu böyük zəfər sadəcə bir torpaq uğuru deyil, həm də müstəqilliyin, birliyin və qardaşlığın göylərə yazılmış rəmzidir.
Can Azərbaycanın Zəfər Gününü ürəkdən təbrik edirəm", - deyə o yazıb.
Ən son xəbərləri email ünvanınıza göndərək