Macarıstan və Azərbaycan arasında təbii qaz tədarükü üzrə saziş iki il müddətinə imzalanıb
Xpress.az xəbər verir ki, bu barədə Macarıstanın xarici işlər naziri Peter Siyarto sosial şəbəkədə məlumat verib.
“Təbii qazın alınması ilə bağlı növbəti saziş bu dəfə Azərbaycanla, iki il müddətinə və 800 milyon kubmetr həcmində olacaq”, – o bildirib.
Xatırladaq ki, dekabrın 10-da Azərbaycan Dövlət Neft Şirkəti (SOCAR) ilə Macarıstanın “MVM ONEnergy” şirkəti arasında təbii qaz təchizatına dair yeni saziş imzalanıb. SOCAR və “MVM CEEnergy” 2023-cü ilin iyun ayında 100 milyon kubmetr qazın tədarükü haqqında müqavilə bağlamış, tədarük 2024-cü ilin aprel ayında başlamışdı.
Bundan başqa, “MVM Group” “Şahdəniz” layihəsində 5%, “South Caucasus Pipeline Company”də (SCPC, Cənubi Qafqaz Boru Kəməri Magistralının operatoru) 4% paya malikdir.
