İki böyük telefon markasına yeni xüsusiyyətlər gəlir

Unicode Konsorsiumu tərəfindən Emoji 18.0 çərçivəsində qiymətləndirməyə alınan 9 yeni emoji iPhone və Android telefonlara gəlmək üçün gün sayır. Sentyabr ayında dəqiqləşməsi gözlənilən siyahıda turşu, meteor, dəniz fənəri və “mühakimə edən baxış” kimi diqqətçəkən yeni ifadələr yer alır.
Rəqəmsal ünsiyyətin ayrılmaz hissəsinə çevrilən emojilərə yeniləri əlavə olunur. Unicode Konsorsiumu ağıllı telefon dünyasına daxil olmağa namizəd olan yeni emoji siyahısını ictimaiyyətlə paylaşıb.

Emoji 18.0 yeniləməsi çərçivəsində nəzərdən keçirilən bu yeni simvollar təsdiqləndiyi təqdirdə həm iPhone, həm də Android cihazlarda istifadə olunacaq.

İki böyük telefon markasına yeni xüsusiyyətlər gəlir… – Şəkil: 1

Emojipedia-nın paylaşdığı məlumata görə, hazırda qiymətləndirmə mərhələsində olan ilkin siyahıda 9 fərqli simvol diqqət çəkir. İstifadəçilərin yaxın zamanda mesajlaşmada istifadə edə biləcəyi namizəd emojilər bunlardır:

• Gözlərini qıyaraq baxan (mühakimə edən) üz ifadəsi

• Sağa və sola işarə edən baş barmaq hərəkətləri

• Turşu

• Dəniz fənəri

• Meteor

• Pozan (silgi)

• Saplı tor

• Monarx kəpənəyi

Yeni emojilərin taleyi üçün diqqətlər sentyabr ayına yönəlib. Yekun siyahının bu tarixdə dəqiqləşməsi gözlənilir. Lakin siyahının təsdiqlənməsi emojilərin dərhal telefonlara gələcəyi anlamına gəlmir. Apple və Google kimi texnologiya nəhənglərinin bu yeni simvolları öz dizayn dillərinə uyğunlaşdıraraq əməliyyat sistemlərinə inteqrasiya etmələri lazımdır.

Xüsusilə iPhone tərəfində yeni emojilərin istifadəyə verilməsi müəyyən təqvimə bağlıdır. Apple-ın bu dizaynları iOS yeniləmələri vasitəsilə yayması planlaşdırılır. Mövcud planlara əsasən, bu 9 yeni emojinin iOS 27 ilə birlikdə 2026-cı ilin sonları və ya 2027-ci ilin əvvəllərində istifadəçilərin ixtiyarına verilməsi gözlənilir.

Səlahiyyətli şəxslər siyahının hələ də layihə mərhələsində olduğunu və Unicode-un baxış prosesi zamanı bəzi dəyişikliklərin edilə biləcəyini də xatırladırlar.