Çinin telefon istehsalçıları köhnə telefonların RAM yaddaşlarından istifadə edir
Çində bəzi smartfon istehsalçılarının yaddaş çiplərinin bahalaşması səbəbilə köhnə telefonlardan çıxarılan RAM-ları yeni cihazlarda istifadə etdiyi bildirilir.
Məlumata görə, 5-6 il işlədilmiş telefonlardan çıxarılan yaddaş çipləri yoxlanıldıqdan sonra yeni smartfonlara quraşdırılır.
Bu üsulun əsas səbəbi süni intellekt məlumat mərkəzlərinin yaddaş çiplərinə tələbatının artması və təchizat çətinlikləridir.
Çinin Şençjen şəhərindəki Huaçyanbey elektronika bazarında köhnə yaddaş çiplərinin toplanması və yenidən satışı ilə məşğul olan bazar formalaşıb.
Bununla belə, istifadə edilmiş çiplərin etibarlılığı ilə bağlı suallar qalır. Hələlik bu üsuldan istifadə edən şirkətlərin adları açıqlanmayıb.
