Dəfn edildi, iki həftə sonra evə qayıtdı – İNANILMAZ HADİSƏ

Taylandda inanılmaz hadisə baş verib: yerli sakin öz dəfn mərasimindən iki həftə sonra sağ-salamat evinə qayıdıb.

Mothership nəşrinin məlumatına görə, Çianq Ray əyalətində yaşayan kişi evə qayıdarkən ailəsi onun artıq iki həftə əvvəl dəfn edildiyini öyrənib.

Məqalədə bildirilir ki, bu ilin yanvar ayının əvvəlində hakimiyyət orqanları 48 yaşlı kişinin ailəsinə onun vəfat etdiyi barədə məlumat verib. Daha sonra cəsəd ailəyə təhvil verilib, bütün zəruri dini mərasimlər yerinə yetirildikdən sonra dəfn olunub. Lakin yanvarın 24-də həmin şəxs gözlənilmədən evə qayıdıb.

Nəşr ailənin dəfn edilən şəxsi niyə səhvən qohumları ilə qarışdırdığına dair məlumat vermir.

Hadisə ilə bağlı araşdırma başlanılıb. Dəfn edilən mərhumun şəxsiyyəti müəyyən edilib və onun qalıqları yaxınlarına təhvil verilib.

Qeyd edək ki, oxşar hadisə daha əvvəl İtaliyada da yaşanmışdı. Tarquinia şəhərinin 78 yaşlı sakini iki dəfə infarkt keçirdikdən sonra vəfat etmiş hesab olunmuşdu. Həkimlər onun ölümünü təsdiqləsələr də, kişi qəfildən “dirilmişdi”.

Hadisə 18 iyul 2025-ci ildə baş verib. Özünü pis hiss edən kişi üçün təcili yardım çağırılıb, hətta helikopter sifariş edilib. Lakin həyat əlamətləri müşahidə olunmadığı üçün çağırış ləğv edilib. Daha sonra dəfn evi əməkdaşlarının iştirakı ilə aparılan yoxlama zamanı kişi qəfil gözlərini açaraq danışmağa başlayıb.