Portuqaliya futbolunun canlı əfsanəsi Kriştiano Ronaldo Səudiyyə Ərəbistanının "Əl-Nəsr" klubuna cari mövsümün komandadakı sonuncu mövsümü ola biləcəyini rəsmən bildirib.
Ulduz hücumçunun klubdakı gələcəyi ilə bağlı qəti qərara gəldiyi və mövsümün sonunda yeni çağırışlar axtara biləcəyi qeyd olunur.
"Əl-Nəsr" rəhbərliyi onun komandada qalması üçün hər şeyi edir və onunla yeni müqavilə imzalamaq üçün danışıqları davam etdirir.
Əgər portuqaliyalı futbolçu ayrılmaq qərarında qalarsa, klub onun zəngin irsinə ehtiram əlaməti olaraq xüsusi təntənəli vida matçı təşkil etməyə hazırlaşır.
41 yaşlı ulduzun karyerasını tamamilə bitirəcəyi, yoxsa başqa bir liqada davam edəcəyi hələlik qeyri-müəyyən olaraq qalır.
