İnternetin ağırlığı nə qədərdir?
Alimlər internetin çəkisinin olub-olmadığı sualına cavab veriblər.
Lent.az-ın xarici mediaya istinadən xəbərinə görə, ilk baxışda interneti çəkmək ideyası zarafat kimi səslənsə də, alimlər bu mövzunu ciddi şaraşdırıblar. Nəticədə məlum olub ki, rəqəmsal dünyanın çox kiçik də olsa, ölçülə bilən kütləsi var.
Fiziklərin izahına görə, informasiya elektronların vəziyyəti ilə bağlıdır. Hər bir bit, yəni ən kiçik məlumat vahidi elektronların vəziyyətində dəyişiklik deməkdir və bu da çox cüzi kütlə fərqi yaradır.
Hesablamalara əsasən, internetdəki bütün məlumatların ümumi çəkisi təxminən kiçik bir alma qədərdir. Bu, şəbəkənin miqyası nəzərə alınanda olduqca təəccüblü görünür.
Alimlərin bildirdiyinə görə, məlumatlar əslində elektronların hərəkətindən ibarət olduğu üçün onların kütləsi demək olar hiss olunmayacaq qədər azdır.
Qeyd olunur ki, internetdəki məlumatların həcmi hər gün artsa da, onların fiziki çəkisi demək olar ki, dəyişməz qalır.
İnternet dünyanın müxtəlif yerlərində yerləşən serverlərdə saxlanılır və bu serverlər trilyonlarla bit məlumat ehtiva edir. Buna baxmayaraq, həmin məlumatların ümumi kütləsi çox kiçikdir.
Mütəxəssislər vurğulayır ki, burada əsas məsələ çəkidən çox enerji sərfiyyatıdır. Məlumat mərkəzləri bəzi ölkələrdən daha çox elektrik enerjisi istifadə edir.
Bu baxımdan internetin ağırlığı daha çox metaforik anlayışdır. Çünki serverlərin işləməsi, soyudulması və məlumat ötürülməsi böyük enerji tələb edir.
Bəzi alimlər interneti canlı orqanizmə bənzədir. O, daim inkişaf edir və getdikcə daha çox resurs tələb edir.
Əgər bütün məlumatları bir yerdə toplamaq mümkün olsaydı, onların kütləsi cəmi bir neçə qram olardı. Lakin bu məlumatları saxlayan və işlədən infrastruktur milyonlarla ton çəkir.
Maraqlıdır ki, məlumat ötürülməsi zamanı istifadə olunan işıq, yəni fotonlar da enerji daşıyır və bu da internetin fiziki tərəfini göstərir.
Mütəxəssislərin fikrincə, gələcəkdə yeni texnologiyalar sayəsində məlumatların saxlanması daha effektiv olacaq və enerji sərfiyyatı azalacaq.
Buna baxmayaraq, internet hələ də böyük resurslar tələb edən nəhəng bir sistem olaraq qalır və onun çəkisi daha çox simvolik məna daşıyır.
