Xpress.az
Bakı: 22°C

Bizi izləyin

Ana səhifə Cəmiyyət CNN-nin Azərbaycana qarşı QƏLƏTİ –
CNN-nin Azərbaycana qarşı QƏLƏTİ –
Cəmiyyət

CNN-nin Azərbaycana qarşı QƏLƏTİ – Üzr və təkzib niyə gecikir?

Xpress.az Redaksiyası 08.06.2026 15:34

Xəbər verildiyi kimi, ötən həftə "CNN World" xəbər kanalı Azərbaycan əleyhinə böyük təxribata yol verib. Kanal guya Azərbaycan ərazisindən qonşu İrana qarşı hərbi və kəşfiyyat niyyəti ilə istifadə olunduğunu iddia edib. Bu böyük yalana Azərbaycan XİN-i dərhal və sərt reaksiya verib. Orada deyilirdi: “5 iyun tarixində "CNN World" xəbər kanalının internet səhifəsində dərc olunmuş məqalədə Azərbaycan ərazisinin guya İrana qarşı hərbi və ya kəşfiyyat əməliyyatları üçün istifadə edilməsi, guya İsrailə məxsus qüvvələrin Azərbaycan ərazisində yerləşdirilməsi barədə əks olunmuş iddialar tamamilə əsassızdır və onları qətiyyətlə rədd edirik”.

Azərbaycan hədəfə alındı- CNN-nin MƏQSƏDİ - Ajans.az

Nazirliyinin mətbuat katibi Ayxan Hacızadənin sözlərinə görə, həmin məqalədə yer alan iddialar Azərbaycan tərəfindən dəfələrlə təkzib olunub və bu mövqe CNN-in sorğusuna cavab olaraq əvvəlcədən redaksiyaya rəsmi qaydada təqdim edilib.
“Heç bir tutarlı sübut ortaya qoyulmadan, anonim mənbələrə əsaslanan və Azərbaycanın rəsmi mövqeyini nəzərə almayan iddiaların yayımlanması jurnalistikanın obyektivlik, qərəzsizlik və peşəkar etika prinsipləri ilə ziddiyyət təşkil edir. Dəfələrlə bəyan edildiyi kimi, Azərbaycan ərazisinin hər hansı üçüncü dövlətə qarşı hərbi əməliyyatlar, kəşfiyyat fəaliyyəti və ya digər düşmən xarakterli məqsədlər üçün istifadə edilməsi barədə iddiaların heç bir əsası yoxdur. Ölkəmiz bu kimi fəaliyyətlərə heç vaxt icazə verməyib və verməyəcək. Azərbaycan regionda sülhün, sabitliyin və mehriban qonşuluq münasibətlərinin təşviqinə sadiqdir. Bu kimi əsassız və heç bir sübuta əsaslanmayan iddialar növbəti dezinformasiya cəhdidir. CNN-dən əsassız iddiaların yayıldığı bu məqalənin təkzib edilməsini gözləyirik", - Hacızadə qeyd edib.

XİN-in etirazından artıq 4 gün keçir. Ancaq CNN-in nə üzrü var, nə də təkzibi. Rəsmi Bakının növbəti addımı nə ola bilər?

Deputat Hikmət Babaoğlu Musavat.com-a deyib ki, “CNN World”un Azərbaycana qarşı qərəzli informasiya yayması açıq şəkildə informasiya manipulyasiyasıdır: “Şübhəsiz ki, “CNN World” kimi ciddi və beynəlxalq nüfuza malik media qurumu bu cür xəbərlərlə özünün beynəlxalq imicinə ciddi zərbə vurmuş olur. Nəticə etibarilə, Azərbaycan Xarici İşlər Nazirliyinin bəyanatında hər şey aydın şəkildə göstərilib. Bildirilib ki, belə bir hal baş verməyib və qətiyyən baş verməsi də mümkün deyil. Əgər doğrudan da belə bir vəziyyət olsaydı və Azərbaycan ərazisindən hansısa üçüncü ölkəyə qarşı hər hansı hərbi fəaliyyət həyata keçirilsəydi, bunu ən yaxşı biləcək tərəf məhz həmin üçüncü ölkə olardı”.

Hikmət Babaoğlu: “Suriyada sülh və sabitlik olmayacaq” - MÜSAHİBƏ

Deputatın sözlərinə görə, “CNN World”un iddia etdiyi kimi, əgər Azərbaycan ərazisindən İrana raket atılıbsa və ya hər hansı atəş açılıbsa, bunu əlbəttə ki, “CNN World”dan əvvəl İran bilməli idi: “İran tərəfindən buna müvafiq reaksiya verilməli idi. Deməli, burada İranın mövqeyi ümumiyyətlə nəzərə alınmır. Çünki İrandan Azərbaycan ərazisindən onun ərazisinə hücum edilməsi ilə bağlı hər hansı bir rəsmi iddia irəli sürülməyib. Üstəlik, Azərbaycan heç vaxt icazə verməz ki, öz ərazisindən qonşu dövlətə qarşı raket və ya digər silahlı hücumlar həyata keçirilsin. Azərbaycan bunu Xarici İşlər Nazirliyinin timsalında rəsmi şəkildə də təkzib edib. Belə olan halda, “CNN World”un üzr istəməsi və ya rəsmi təkzib verməsi artıq hüquqi zərurətə çevrilir”.

Hikmət Babaoğlu qeyd edib ki, onsuz da son dövrlərdə obyektiv informasiya mənbəyi kimi etibarlılığı ilə bağlı ciddi suallar yaranan “CNN World” müxtəlif ölkələrdə və fərqli tərəflər tərəfindən hüquqi müstəviyə cəlb edilir, məhkəmələrə verilir və bir sıra hallarda bu məhkəmə proseslərini uduzur: “Düşünürəm ki, qısa müddət ərzində təkzib verilməsə və ya Azərbaycandan üzr istənilməsə, Azərbaycan tərəfi də müvafiq hüquqi proseslərə başlaya bilər. Ona görə də yaxşı olardı ki, nə qədər gec deyil, “CNN World” öz səhvini etiraf etsin və bu yanlış məlumatı düzəltsin. Çünki bu cür yanaşma heç bir müsbət məqsədə xidmət etmir.

Ümumiyyətlə, informasiya özlüyündə intellektual məhsuldur və cəmiyyət üçün dəyərli, təqdir olunan bir anlayışdır. Lakin siz informasiyanı manipulyasiya edir, xalqlar arasında qarşıdurma yaratmağa, dövlətləri bir-birinə qarşı qoymağa çalışırsınızsa, artıq informasiyanı müharibə alətinə çevirmiş olursunuz. Bu isə medianın mahiyyətinə, jurnalistikanın prinsiplərinə və informasiya yayımının əsas məntiqinə tamamilə ziddir. Ən qısa zamanda “CNN World” bütün bunları nəzərə almalı, ya rəsmi təkzib verməli, ya da Azərbaycan tərəfdən üzr istəməlidir.Bu variant mətnin emosional yükünü və əsas fikirlərini qoruyur, eyni zamanda onu daha publisistik, məqalə və ekspert rəyi formatına uyğun hala gətirir”.

Paylaş:

Oxşar Xəbərlər

Populyar Xəbərlər

Xəbər Lenti

600-dən çox bal toplayanlar hərbi xidmətdə xüsusi bölmələrə cəlb olunacaq

16.11.2026 21:08 Cəmiyyət

Ölkəmizdə ilk dəfə Milli Məşğulluq Forumu keçirilir

16.11.2026 20:49 Cəmiyyət

Yəmən qüvvələri Bab əl-Məndəbdən çəkilir:

16.11.2026 19:57 Siyasət

Binəqədi Tibb Mərkəzi 30 min manat borca düşdü

16.11.2026 17:59 Cəmiyyət

Kirayədə qalanların bilmədiyi qayda -

16.11.2026 17:44 Cəmiyyət

“Cahan-Motors”la “Atəşgah Sığorta” arasında 13 min manatlıq

16.11.2026 17:22 Cəmiyyət

Yalçın Rəfiyev: COP31-in ilk həftəsi məhsuldar görüşlər və mühüm müzakirələrlə yadda qalıb

16.11.2026 17:21 Gündəm

Salyan rayonunda “Uşaqların zərərli vərdişlərdən qorunması” layihəsi çərçivəsində maarifləndirici tədbirlər keçirilib

16.11.2026 16:59 Təhsil

"Azərişıq"ın Bilgəh tapmacası - Vətəndaşın kupçalı mülkünü zəbt edib transformator quraşdırıblar! –

16.11.2026 16:32 Cəmiyyət

Banklarla bağlı narazılıq:Bank Avrasiya, Yelo Bank, UNİBANK….

16.11.2026 16:00 İqtisadiyyat

Gələn il Azərbaycanda minimum maaş bu qədər olacaq

16.11.2026 15:55 Cəmiyyət

Prezidentin sosial şəbəkə hesablarına hücumun detalları açıqlanıb

16.11.2026 15:00 Cəmiyyət

Minlərlə telefon xətti ləğv edilir?

16.11.2026 13:49 Cəmiyyət

Yeni ili xaricdə harada keçirmək daha sərfəlidir?-

16.11.2026 13:17 Cəmiyyət

Dünyanı təşvişə salan məlumatlar yayıldı, əhaliyə xəbərdarlıq edildi –

16.11.2026 13:02 Cəmiyyət

“Sea Breeze”in tikinti şirkətinin vergi borcu yarandı

16.11.2026 12:45 İqtisadiyyat

Azərbaycanda iş elanı:

16.11.2026 12:10 Cəmiyyət

Xaçmazda “Kontakt Home”dan məhsul alan 5 nəfər

16.11.2026 10:40 Cəmiyyət

Xəbər Bülleteni

Ən son xəbərləri email ünvanınıza göndərək