AAYDA sədrinə müavin təyin olunan Tural Mailov və Kamran Əzizovun DOSYESİ
Xəbər verdiyimiz kimi, Azərbaycan Avtomobil Yolları Dövlət Agentliyinin İdarə Heyətinin sədrinə yeni müavinlər təyin edilib. Yeni sədr müavinləri Tural Mailov və Kamran Əzizovdur.
Xpress.az onların dosyesini təqdim edir:
Tural Mailov
Tural Mailov 1985-ci ildə Bakı şəhərində anadan olub. O, orta təhsilini ABŞ-nin Miçiqan Ştatının Battle Creek şəhərində alıb. Daha sonra Qərb Universitetinin “Beynəlxalq hüquq” ixtisasında təhsil alıb.
O, əvvəlki illərdə DOST Agentliyi idarə heyəti sədrinin müşaviri, daha sonra isə müavini vəzifələrində çalışıb. Tural Mailov 2026-ci ilin fevralında DOST İdarə Heyəti sədrinin müavini vəzifəsindən azad edilib.
Kamran Əzizov
2000-2004-cü illərdə Azərbaycan Memarlıq və İnşaat Universitetində təhsil alıb.
2005-2015-ci illərdə bir sıra özəl şirkətlərdə çalışıb.
2015-2016-cı illərdə Kamran Əzizov Azərbaycan Avtomobil Yolları Dövlət Agentliyində Layihələrin idarəedilməsi üzrə direktor, daha sonra isə Beynəlxalq şöbənin sədri vəzifəsini tutub.
2023-cü ildən bəri AAYDA-da Yolların İstismarı və Təmiri Baş İdarəsinin rəisi vəzifəsində çalışıb.
