Xpress.az
Bakı: 22°C

Bizi izləyin

Ana səhifə Cəmiyyət Mərdəkandakı çimərliyə çirkab suları axıdılır?- Vİ...
Mərdəkandakı çimərliyə çirkab suları axıdılır?- VİDEO
Cəmiyyət

Mərdəkandakı çimərliyə çirkab suları axıdılır?- VİDEO

Xpress.az Redaksiyası 20.06.2026 23:22

Baku TV-nin qaynar xəttinə Mərdəkan qəsəbəsində yerləşən "Malibu" adlanan çimərlik ərazisinə çirkab sularının axıdılması ilə bağlı şikayət daxil olub.

İddialara görə, uzun müddətdir davam edən bu vəziyyət, xüsusilə yay mövsümündə həm ekoloji mühitə, həm də insanların sağlamlığına ciddi təhlükə yaradır.

Yaranmış vəziyyətlə bağlı İri Şəhərlərin Birləşmiş Su Təchizatı Xidmətindən bildirilib ki, məsələ Suların İstifadəsinə və Mühafizəsinə Dövlət Nəzarəti Xidmətinin səlahiyyətlərinə aid hissədə araşdırılıb:

"Sözügedən ərazidə borular vasitəsilə axıdılan su tullantı və ya kanalizasiya mənşəli deyil, yeraltı qatlarda toplanan qrunt sularıdır. Hazırda çimərliyin yaxınlığında tikinti işləri aparılır və qazıntı zamanı torpağın alt qatındakı qrunt suları üzə çıxır. Tikinti prosesinin axsamaması, qazılmış sahələrin su ilə dolmaması və mühəndis işlərinin təhlükəsiz şəkildə davam etdirilməsi məqsədilə bu sular borular vasitəsilə ərazidən kənarlaşdırılır".

Xidmətdən həmçinin qeyd olunub ki, məsələ sosial şəbəkələrdə və mediada işıqlandırılmadan öncə qurumun əməkdaşları tərəfindən həmin sudan nümunələr götürülərək laboratoriya analizləri aparılıb:

"Əldə olunan nəticələr suyun qrunt sularına xas göstəricilərə malik olduğunu sübut edib. Eyni zamanda aparılmış müayinələr zamanı suyun məişət və ya fekal mənşəli çirklənməyə məruz qalmasını təsdiq edən hər hansı göstərici aşkar edilməyib".

Paylaş:

Oxşar Xəbərlər

Populyar Xəbərlər

Xəbər Lenti

Xəbər Bülleteni

Ən son xəbərləri email ünvanınıza göndərək