Ermənistanda dünən ölən hərbçi intihar edib - TƏFƏRRÜAT
Xəbər verdiyimiz kimi, iyunun 26-da Ermənistan ordusunun muzdlu hərbi qulluqçusu ölüb.
Ermənistan ordusunun hərbi qulluqçusu ölüb
"ArmLur.am" saytına dünən həlak olan müqaviləli hərbi qulluqçu ilə bağlı baş vermiş hadisənin təfərrüatları məlum olub.
Nəşrin məlumatında qeyd olunub ki, cinayət işi intihar həddinə çatdırma əlamətləri ilə açılıb.
Hərbi qulluqçu R.X. orduya müddətli həqiqi hərbi xidmət hərbi qulluqçusu kimi çağırılıb, 6 aydan sonra isə "Vətən müdafiəçisi" proqramına daxil edilib.
Qeyd edək ki, "Vətən müdafiəçisi" proqramına əsasən, 18 yaşlı hərbi qulluqçu 6 aylıq xidmətdən sonra 5 il müddətinə müqaviləli hərbi qulluqçu ola bilər.
Qeyd olunub ki, hadisə Müdafiə Nazirliyinin rəhbər heyəti və hüquq-mühafizə orqanları əməkdaşları arasında təəccüb doğurub. Çünki əsgər hərbi hissədə tapılarkən məlum olub ki, silahdan ağıza atəş açılıb. Üstəlik, hadisə regionlarda yeni yaradılmış hərbi hissələrdən birində baş verib.
Bundan başqa, nəşrə daxil olan məlumata görə, hüquq-mühafizə sistemində qeydə alınıb ki, hadisədən əvvəl əsgər əllərinə xəsarət yetirməyə çalışıb. Belə ki, onun əllərində çox da dərin olmayan cırmaq izləri olub.
