Xanım səfirlərin sayı üçə çatdı
Azərbaycanın xanım səfirlərinin sayı üçə çatıb.
Modern.az xəbər verir ki, Prezident İlham Əliyev imzaladığı Sərəncamla Esmira Firudin qızı Cəfərova Azərbaycanın Macarıstanda fövqəladə və səlahiyyətli səfiri təyin edildi. Bununla da zərif cinsin nümayəndələrindən olan səfirlərin sırasına daha biri əlavə olundu.
Azərbaycan diplomatiyasını xaricdə təmsil edən xanım səfirlər:
Leyla Abdullayeva — Azərbaycanın Fransa Respublikasında fövqəladə və səlahiyyətli səfiri. 17 oktyabr 2022-ci ildə Prezident İlham Əliyevin Sərəncamı ilə bu vəzifəyə təyin olunub.
Nərgiz Qurbanova — Azərbaycanın Polşa Respublikasında fövqəladə və səlahiyyətli səfiri. 29 iyul 2021-ci ildə Prezident İlham Əliyevin Sərəncamı ilə bu vəzifəyə təyin edilib.
Esmira Firudin qızı Azərbaycanın Macarıstanda fövqəladə və səlahiyyətli səfiri. 29 iyul 2026-cı ildə Prezident İlham Əliyevin Sərəncamı ilə bu vəzifəyə təyin edilib.
