Telefonunuzun batareyasını ən çox hansı tətbiqlər “yeyir”? – SİYAHI
Smartfon istifadəçilərinin ən çox qarşılaşdığı problemlərdən biri batareyanın sürətlə tükənməsidir. Bir çox hallarda bunun səbəbi telefonun köhnəlməsi deyil, arxa planda fasiləsiz işləyən və yüksək enerji sərf edən tətbiqlər olur.
Mütəxəssislərin fikrincə, sosial şəbəkələr, xəritə xidmətləri, video platformaları və oyunlar batareyanı ən çox istehlak edən tətbiqlər sırasındadır. Bu proqramlar ekranın uzun müddət aktiv qalmasına, internet bağlantısından, GPS-dən, kamera və prosessordan intensiv istifadəyə səbəb olur.
Batareyanı daha çox sərf edən tətbiqlər arasında bunlar yer alır:
– TikTok
-YouTube
– Snapchat
– Google Maps
– Telegram və WhatsApp (xüsusilə davamlı zənglər və media yükləmələri zamanı)
Bunu da oxu
500 nəfər dondurlaraq həyata qayıtmağı gözləyir
31 iyulun ulduz falı — Maddi baxımdan şanslı gün olacaq
Yaşı 60-ı keçənlər DİQQƏTLƏ OXUSUN!
Hava limanı olmayan ölkə
Həddindən artıq tərləmə ciddi xəstəliklərin əlamətidir
-Spotify və digər musiqi platformaları
-PUBG Mobile, Call of Duty Mobile və digər qrafik cəhətdən ağır mobil oyunlar
Bundan əlavə, hava proqnozu, fitnes və lokasiya əsaslı tətbiqlər də daim geolokasiya xidmətindən istifadə etdikləri üçün enerji sərfiyyatını artıra bilər.
Batareyanın daha uzun işləməsi üçün nə etmək lazımdır?
Mütəxəssislər telefonun enerji sərfiyyatını azaltmaq üçün istifadə edilməyən tətbiqlərin arxa planda işləməsinin məhdudlaşdırılmasını, ekran parlaqlığının avtomatik rejimdə saxlanılmasını, GPS, Bluetooth və digər funksiyaların ehtiyac olmadıqda söndürülməsini tövsiyə edirlər.
Həmçinin telefonun “Batareya” bölməsindən hansı tətbiqin ən çox enerji sərf etdiyini yoxlamaq mümkündür. Android və iPhone cihazlarında bu statistika istifadəçilərə batareyanı sürətlə tükəndirən proqramları müəyyən etməyə kömək edir.
Ekspertlər bildirirlər ki, batareyanın ömrünü uzatmaq üçün tətbiqlərin mütəmadi yenilənməsi, köhnə və istifadə edilməyən proqramların silinməsi, həmçinin telefonun həddindən artıq qızmasının qarşısının alınması da mühüm rol oynayır.//azxeber.com
