Şarjınız tez bitir? - Bu funksiya əksər telefonlarda aktivdirdir
Telefonunuzdan az istifadə etdiyiniz halda batareya sürətlə tükənirsə, buna arxa planda işləyən bəzi funksiyalar səbəb ola bilər.
Telefonlar ətrafdakı “Wi-Fi” şəbəkələrini və “Bluetooth” cihazlarını davamlı olaraq skan edə bilir.
Bu funksiya ağıllı saat, qulaqcıq və digər cihazlarla bağlantını asanlaşdırsa da, batareyanın daha tez tükənməsinə səbəb olur.
Xüsusilə bildiriş panelindən “Wi-Fi” və “Bluetooth”u söndürmək bu skan funksiyalarını tam deaktiv etmir.
Bunun qarşısını almaq üçün “Parametrlər” → “Məkan” → “Məkan xidmətləri” bölməsindən “Wi-Fi skanı” və “Bluetooth skanı” seçimlərini deaktiv etmək mümkündür. Həmçinin tətbiqlərin arxa planda məkan məlumatlarına çıxış icazələri də yoxlanılmalıdır.
