Naxçıvanda “unikal” avtobus dayanacaqları - FOTO

Naxçıvan şəhərində bəzi ünvanlarda müəyyən edilən avtobus dayanacaqları sakinlər arasında narazılığa səbəb olur.

Xpress.az xəbər verir ki, buna səbəb həmin dayanacaqlarda sərnişinlərin gözləməsi, yağıntıdan və günəşdən qorunması, avtobusa təhlükəsiz minib-düşməsi və sərbəst hərəkəti üçün şəraitin olmamasıdır.

Misal üçün, Naxçıvan şəhərinin Xətai küçəsində darısqal piyada səkisinin düz ortasına avtobus dayanacağı işarəsi olan dirək basdırılıb, üzərinə müvafiq işarə bərkidilib.

Nəticədə, onsuz da çox dar olan, faktiki isə mövcud olmayan, norma və standartlardan kənar piyada səkisinin üzəri ilə vətəndaşların hərəkəti tam məhdudlaşdırılıb. Məhz buna görə piyadalar məcburən avtomobil yolunun hərəkət olan hissəsində dayanır, öz həyatlarını və sürücülərin həyatını təhlükəyə ataraq avtobus gözləyirlər.

Xətai məhəlləsində başqa ünvanda müəyyən edilən dayanacaq düz qəbiristanlığın yanındadır. Burada da dayanacaq üçün heç bir şərait yoxdur. Dayanacaq işarəsinin quraşdırıldığı məkanda zibil yeşiyinin yerləşməsi də ayrı mövzudur.

Digər bir anormal avtobus dayanacağı Azərbaycan məhəlləsindədir. Yüksəkgərginlikli elektrik xətti dirəyinin düz altında avtobus dayanacağı müəyyən edilib. Burada da sərnişinlərin gözləməsi, yağışdan və günəşdən qorunması, sərbəst hərəkəti üçün hər hansı şərait yoxdur.

Görünən budur ki, Naxçıvanda aidiyyəti qurumlar üçün avtobus dayanacağı standartı şəhərin şəraitsiz ərazilərində yalnız dayanacaq işarəsi quraşdırmaqdan ibarətdir. Daha bu dayanacaqdan necə və nə cür istifadə ediləcəyi, insanların taleyi, təhlükəsizliyi onları maraqlandırmır. Necə deyərlər, protokol xətrinə iş görürlər.

Təəssüf doğuran digər hal budur ki, aidiyyəti dövlət qurumları bu “mənzərəni” hər gün görsə də heç bir reaksiya vermirlər. Ümid edək ki, məsələ bu qaydada ictimailəşəndən sonra problemin həllinə çarə tapılar.

Zərbəçi

• MƏKTƏBLİ ÖVLADI OLAN VALİDEYNLƏRİN NƏZƏRİNƏ!
  
  SUALCAVAB platformasında ŞAGİRDİN BİLİYİNİ ÖYRƏN, TƏHLİL ET VƏ NƏTİCƏ ÇIXAR!
  
  Platformada qeydiyyatdan keçərək *ELM* promokodundan istifadə etməklə hazırkı kampaniyadan faydalana bilərsiniz. Promokodu ödənişdən əvvəl daxil etdikdə *8 sınaq və 240 sualdan ibarət X8 paketi cəmi 50 qəpiyə* təqdim olunur. Promokod: ELM
  
  Ətraflı məlumat və istifadə qaydası ilə bağlı SUALCAVAB komandası WhatsApp vasitəsilə sizə dəstək göstərəcək: +994 10 526 82 79