Azərbaycanın kriptovalyuta bazarı böyüməyə hazırdır:

Təcrübəli, lakin ehtiyatlı auditoriya və aydın tənzimləmə tələbi - "Binance"in Azərbaycandakı istifadəçilər arasında keçirdiyi sorğunun əsas nəticələri məhz bunlardır.

"Binance"in araşdırması 500-dən çox respondenti əhatə edib və 2026-cı ilin avqust və sentyabr aylarında keçirilib.

Auditoriya artıq bazara cəlb olunub və ona praqmatik yanaşır

"Binance"in Azərbaycandakı auditoriyasının gözləniləndən xeyli daha təcrübəli olduğu məlum olub. Respondentlərin 70,3%-i kriptovalyutalardan treydinq üçün istifadə edir və ya istifadə etmək istəyir, 47,7%-i investisiya və yığım, 37,4%-i beynəlxalq pul köçürmələri, 33,1%-i isə aktivlərin uzunmüddətli saxlanılması (HODL) məqsədilə kriptovalyutalardan istifadə edir və ya etmək istəyir.

Bununla belə, aktiv istifadənin arxasında sürətli qazanc əldə etmək istəyi dayanmır. Sorğuda iştirak edənlərin 69,9%-i üçün əsas məqsəd passiv gəlir əldə etmək, 47,9%-i üçün vəsaitlərin dəyərini qorumaq, 32,3%-i üçün isə inflyasiyadan müdafiədir. Respondentlərin 43,6%-i üçün kriptovalyutalar artıq şəxsi maliyyə çərçivəsində investisiya alətinə çevrilib.

Kriptovalyutalara daha şəxsi yanaşma da diqqət çəkir: sorğuda iştirak edənlərin 60,7%-i onları ilk növbədə “azadlıq aləti”, 49,7%-i investisiya, 41,1%-i isə mübadilə vasitəsi kimi qiymətləndirib. Beləliklə, rəqəmsal aktivlərin qavranılması sırf maliyyə aləti çərçivəsindən kənara çıxaraq istifadəçilər üçün daha geniş, demək olar ki, dünyagörüşü xarakterli məna kəsb edir.

İstifadəçilər hansı dəyişiklikləri istəyirlər?

Sorğu iştirakçıları gözlədikləri dəyişiklikləri kifayət qədər dəqiq ifadə ediblər. İlk yerdə daha aydın tənzimləmə (44,2%), daha sonra daha sadə interfeyslər (39,9%), etimad və təhlükəsizliyin artırılması (31,5%), komissiyaların azaldılması (30,3%), eləcə də kriptovalyuta qəbul edən mağaza və xidmətlərin sayının artırılması (28,4%) qərarlaşıb.

Respondentlər institusional qəbulun (19,0%) və maliyyə savadlılığının artırılmasının (14,5%) da kriptovalyutaların geniş yayılması baxımından əhəmiyyətli amillər olduğunu qeyd ediblər.

Beş ildən sonra kriptovalyutalar harada istifadə olunacaq?

Respondentlərin fikrincə, beş ildən sonra kriptovalyutaların ən geniş istifadə sahələri pul köçürmələri (43,1%), aktivlərin tokenləşdirilməsi (39,9%), DeFi (37,0%) və ödənişlər (36,8%) olacaq. Bu, regionun digər bazarları üçün də xarakterik olan, kriptovalyutaların sadə və anlaşılan istifadə ssenarilərinə yönəlmə tendensiyasını təsdiqləyir.

Nəticə

Araşdırmanın nəticələri göstərir ki, Azərbaycanın kriptovalyuta bazarı artıq sadəcə maraq mərhələsini geridə qoyub: auditoriya kriptovalyutalardan şüurlu şəkildə və konkret praktiki məqsədlər üçün istifadə edir. Bazar üçün növbəti addım aydın tənzimləmə, daha sadə məhsul və interfeyslər, eləcə də istifadəçilərin artıq etibar etdiyi format və kanallarda maarifləndirici məzmun vasitəsilə həm yeni istifadəçilərin cəlb edilməsi, həm də mövcud auditoriyanın etimadının möhkəmləndirilməsi ola bilər.

“Görürük ki, Azərbaycandakı istifadəçilər artıq kriptovalyutaları öz maliyyə vərdişlərinə fəal şəkildə daxil edirlər və növbəti addım rəqəmsal aktivlərdən daha geniş və təhlükəsiz istifadənin təmin olunması olmalıdır. Binance olaraq bizim vəzifəmiz təhlükəsiz və rahat həllər, istifadəçilərin maarifləndirilməsi və qlobal təcrübənin paylaşılması vasitəsilə bazarın inkişafını dəstəkləməkdir. Aydın tənzimləmə ilə birlikdə bu, Azərbaycanda kriptoindustriyanın gələcək inkişafı üçün möhkəm zəmin yarada bilər”, deyə Binance-in regional rəhbəri Kirill Xomyakov bildirib.