Bakıda aliment borclarını ödəməyən ata həbs olundu

Bakıda aliment borclarını ödəməyən ata həbs olunub.

42 yaşlı Sabit Mustafayev (şərti adla) 2023-cü ildən ona təyin olunan aliment ödənişlərini yerinə yetirməyib. Məlumata görə, evliliyin rəsmi qaydada ləğvindən sonra məhkəmə ona 2016 və 2017-ci il təvəllüdlü iki uşağına hər birinə 220 manat olmaqla. Aylıq 440 manat ödəməyi tapşırıb.

Lakin S. Mustafayev bu ödənişləri yerinə yetirməyib. Nəticədə Sabitin borcları yığılaraq, 10 min 860 manat olub.

Buna görə də onnu barəsində Cinayət Məcəlləsinin müvafiq maddəsi ilə cinayət işi açılıb.

S. Mustafayev bildirib ki, 2014-cü ildə ailə qurublar. Nikahdan 2 övladı dünyaya gəlib. Sonradan münasibətləri pisləşdiyi üçün 2024-cü ildə məhkəmə qərarı ilə boşanıblar. Məhkəmə 2023-cü ildən ona iki övladı üçün aliment ödəməyi tapşırıb. Lakin Mustafayev uşaqların atalığını mübahisələndirib və bu barədə məhkəmədə iddia qaldırıb. Onun sözlərinə görə, ekspert uşaqların ondan olmadığı barədə rəy verib. Amma bunlara baxmayaraq, o, bununla bağlı bütün məhkəmələrdə müsbət qərar əldə etməyib.

Qeyd olunur ki, Mustafayev bundan əvvəl də aliment borcuna görə 500 manat inzibati qaydada cərimələnib.

Zərərçəkən, onun keçmiş arvadı isə bütün aliment borcunun Sabit Mustafayevdən alınaraq ona ödənilməsini, əks halda keçmiş ərinin həbs olunmasını istəyib. Mustafayev isə o qədər pulu ödəməyə imkanı olmadığını deyib.

Məhkəmənin qərarı ilə S. Mustafayev 1 il müddətinə azadlıqdan məhrum edilib.