YUKATEL DENİZLİ BASKET-İN AVROPA OYUNLARI "WORLD TURK" KANALINDA CANLI YAYIMLANACAQ!
"Yukatel Denizli Basket" komandasının FIBA Avropa Kubokunun G qrupundakı matçlarının təqvimi bəlli olub. Dənizli təmsilçisinin Avropa kubokundakı 10 oyundan ibarət mübarizəsi "WORLD TURK" ekranları vasitəsilə basketbolsevərlərə təqdim olunacaq.
Türkiyə Siğorta Basketbol Super Liqasında Dənizli şəhərini təmsil edən "Yukatel Denizli Basket" Avropa arenasında yeni bir sınağa hazırlaşır. FIBA Avropa Kubokunun G qrupunda yer alan "yaşıl-qaralar" "BC Prievidza", "SL Benfica", "Lions de Genève", "LANDAU Lions" və "Bakken Bears" klubları ilə üz-üzə gələcək.
Dənizli komandası növbəti mərhələyə vəsiqə qazanmaq uğrunda mübarizə aparmaqla yanaşı, şəhərin basketbol həyəcanını da Avropa səhnəsinə daşıyacaq.
İLK MATÇ 6 OKTYABRDA
"Yukatel Denizli Basket" Avropa kubokundakı ilk oyununu doğma meydanda keçirəcək. Komanda 6 oktyabr çərşənbə akşamı saat 20:00-da "BC Prievidza" klubunu qəbul edəcək.
Dənizlidə baş tutacaq bu qarşılaşma təmsilçimizin qrup mərhələsinə necə başlanğıc edəcəyi baxımından böyük əhəmiyyət kəsb edir. İlk matçın ardından səfər oyunlarına start verəcək komanda 14 oktyabrda Portuqaliya təmsilçisi "SL Benfica" ilə qarşılaşacaq. Oktyabr ayındakı digər matçlarda isə "Lions de Genève" və "LANDAU Lions" səfərlərinə yollanacaq.
QRUP MÜBARİZƏSİ DEKABR AYINDA YEKUNLAŞACAQ
Noyabr ayında "BC Prievidza" səfərinə yollanacaq "Denizli Basket", daha sonra "SL Benfica"nı öz evində ağırlayacaq. Dekabrda keçiriləcək üç qarşılaşma ilə qrup mərhələsinin proqramı tamamlanacaq.
Təqvim boyunca ev sahibi üstünlüyündən səmərəli istifadə etmək istəyən "yaşıl-qaralar", çətin səfər matçlarından da uğurlu nəticələrlə qayıdaraq qrupdakı mövqeyini möhkəmləndirməyi hədəfləyir.
"DENİZLİ BASKET"İN FIBA AVROPA KUBOKU TƏQVİMİ:
6 oktyabr çərşənbə axşamı | 20:00: Yukatel Denizli Basket – BC Prievidza
14 oktyabr çərşənbə | 22:00: SL Benfica – Yukatel Denizli Basket
21 oktyabr çərşənbə | 21:30: Lions de Genève – Yukatel Denizli Basket
28 oktyabr çərşənbə | 18:00: LANDAU Lions – Yukatel Denizli Basket
3 noyabr çərşənbə axşamı | 20:00: Yukatel Denizli Basket – Bakken Bears
11 noyabr çərşənbə: BC Prievidza – Yukatel Denizli Basket
17 noyabr çərşənbə axşamı | 20:00: Yukatel Denizli Basket – SL Benfica
9 dekabr çərşənbə: Yukatel Denizli Basket – Lions de Genève
15 dekabr çərşənbə axşamı | 20:00: Yukatel Denizli Basket – LANDAU Lions
23 dekabr çərşənbə | 20:30: Bakken Bears – Yukatel Denizli Basket
AVROPA HƏYECANI "WORLD TURK"DƏ
"Yukatel Denizli Basket"in FIBA Avropa Kubokundakı matçları "WORLD TURK" kanalı vasitəsilə canlı yayımlanacaq.
Beləliklə, Dənizli təmsilçisinin Avropadakı gərgin mübarizəsini idmansevərlər ekran başından rahatlıqla izləyə biləcəklər.
