“Kontakt Home”nin “Nova Credit” BOKT-u Binəqədi Rayon Məhkəməsində
“Kontakt Home” və ya “ABC Telekom” MMC-yə yaxın olan “Nova Credit” daha bir müştərisini paytaxtın Binəqədi rayonunda məhkəməyə verib.
Yurd.Media-nın əldə etdiyi məlumata görə, “Nova Credit” Bank Olmayan Kredit Təşkilatı (BOKT) Məhdud Məsuliyyətli Cəmiyyət (MMC) müştəriləri ilə bağlı Binəqədi Rayon Məhkəməsinə müraciət edərək müştərisi tərəfindən ödənilməmiş 530 manat əsas və 53 manat dəbbə pulu və 30 manat məbləğində ödənilmiş dövlət rüsumunun tutulmasını istəyib.
Bundan başqa, şirkət 1144 manat məbləğində əsas borcun, 115 manat məbləğində dəbbə pulu borcunun, cəmi 1259 manat borcun və 33 manat məbləğində ödənilmiş dövlət rüsumunun tutulması barədə iddia ərizəsi ilə Binəqədi Rayon Məhkəməsinə müraciət edib.
Məhkəmə hər iki iddia tələbini təmin edib.
Qeyd edək ki, “Nova Credit” Bank Olmayan Kredit Təşkilatı (BOKT) Məhdud Məsuliyyətli Cəmiyyət bundan əvvəl Sabirabad Rayon Məhkəməsində müştərilərinə qarşı pul tələbinə dair iddia qaldırmışdı, ona yaxın olan “ABC Telecom" isə Bakının Nərimanov, Nizami, Nəsimi, həmçinin bölgələrdən , Şəmkir, İsmayıllı, Quba, Ağdaş rayonundan olan müştəriləri ilə çoxsaylı məhkəmə çəkişmələri olub..
Xatırladaq ki, “Nova Credit” BOKT 2023-cü ildə dövlət qeydiyyatına alınıb, nizamnamə kapitalı 9 milyon manatdır. Şirkətin qanuni təmsilçisi Həsən İsrafilzadədir. O “Kontakt Home” əmtəə nişanı ilə fəaliyyət göstərən “ABC Telekom” MMC-nin direktorudur.
