Qulaqları dişlənmiş meyit tapıldı- FOTO

Rusiyanın Petrozavodsk şəhərində dəhşətli hadisə baş verib. Şəhərin Pervomayski rayonundakı parkların birində yoldan keçənlər yaşlı bir kişinin cəsədini aşkar ediblər. Ən sarsıdıcı detal isə mərhumun qulaqlarının heyvanlar tərəfindən çeynənmiş vəziyyətdə olmasıdır.

Xpress.az yerli telegram kanalına istinadən xəbər verir ki, mərhum şəxsin sosial həyat tərzindən uzaq olduğu və ölümündən sonra siçovulların onun qulaqlarını gəmirərək zədələdiyi ehtimal edilir.

Hadisə yerinə gələn hüquq-mühafizə orqanları vəziyyəti araşdırıb. Məlumata görə, ilkin təhqiqat nəticəsində hazırda bu hadisədə hələ ki, cinayət tərkibi aşkar edilməyib. Əlavə araşdırmalar cəsədin ölüm səbəbini və dəqiq şəraitini müəyyənləşdirmək üçün davam etdirilir.

Hadisə həmçinin Petrozavodskda siçovul problemini bir daha gündəmə gətirib. Daha əvvəl şəhərdə bir evin həyətindəki təkər qalaqları içərisində siçovulların yaşadığı barədə xəbərlər yayılmışdı. İndi isə bu heyvanların insan cəsədinə zərər verməsi faktı yerli sakinləri ciddi narahat edir.