Rusiya reytinqində yüksəldi
Xpress.az xəbər verir ki, Rusiya 2024-cü ildə dollar milyarderlərinin sayına görə Böyük Britaniya ilə bərabərləşərək dünya reytinqində dördüncü yerə yüksəlib. Bu barədə Altrata şirkətinin hazırladığı “Billionaire Census 2025” adlı hesabatda məlumat verilib.
Hesabata əsasən, Rusiyada milyarderlərin sayı ötən il ərzində 8,5 faiz artaraq 128 nəfərə çatıb. Onların ümumi sərvəti 457 milyard dollar təşkil edir. Müqayisə üçün, Böyük Britaniyada milyarderlərin sayı eyni — 128 nəfər, lakin onların ümumi sərvəti 323 milyard dollar olub.
Dünya üzrə reytinqin ilk üç pilləsində ABŞ (1135 milyarder), Çin (321) və Almaniya (184) qərarlaşıb.
Hesabatda qeyd olunur ki, Hindistan və Braziliyada milyarderlərin sayı müvafiq olaraq 3,1 faiz və 3,6 faiz azalıb
