Dünya
Bu ölkədə fövqəladə vəziyyət elan olundu
Xpress.az Redaksiyası
15.11.2025 23:02
Uelsin cənub-şərqindəki Monmut şəhərində “Klaudiya” qasırğasının yaratdığı güclü daşqınlar nəticəsində fövqəladə vəziyyət elan edilib.
Qərarın verilməsindən sonra xilasedicilər evakuasiya və xilasetmə əməliyyatlarını davam etdirir, şəhər sakinlərinin təhlükəsizliyi üçün yoxlamalar aparırlar.
Böyük Britaniyada həftəsonu yağışlı hava şəraiti davam edəcək, gələn həftə isə kəskin soyuq hava proqnozlaşdırılır. Hazırda İngiltərədə təxminən 50, Uelsdə isə 9 daşqın xəbərdarlığı qüvvədədir.
Monnou çayının daşması nəticəsində şəhər mərkəzində çox sayda ev və iş yeri su altında qalıb. Yerli sakinlərin bir qismi təhlükəsizlik səbəbilə şəhər kitabxanasına təxliyə edilib.
