WhatsApp yanvar ayında köhnə smartfonlarda fəaliyyətini dayandırır
Meta şirkətinin (Rusiyada fəaliyyəti qadağan edilmiş və ekstremist təşkilat kimi tanınan qurum) mətbuat xidmətinin məlumatına görə, WhatsApp 1 yanvar 2025-ci ildən etibarən Android 4.4 KitKat və daha köhnə əməliyyat sistemləri ilə işləyən smartfonları dəstəkləməyəcək.
Bu qərar əsasən 10 ildən artıq yaşı olan cihazlara təsir edəcək. Dəstəkdən çıxarılan modellər sırasında Samsung Galaxy S3, Galaxy Note 2, birinci nəsil Motorola Moto G, HTC One X, LG Nexus 4 və Sony Xperia Z kimi məşhur smartfonlar yer alır.
Şirkət bu addımı köhnə əməliyyat sistemlərinin messencerin müasir funksiyalarını tam şəkildə dəstəkləyə bilməməsi ilə izah edir. Texniki məhdudiyyətlər səbəbindən Android-in əvvəlki versiyaları üçün yeniləmələrin davam etdirilməsi mümkün sayılmır.
Köhnə smartfon istifadəçilərinə söhbətlərin ehtiyat nüsxəsini çıxarmaq və məlumatlarını vaxtında yeni cihazlara köçürmək tövsiyə olunur. Qeyd olunan tarixdən sonra bu tip telefonların sahibləri mesaj göndərmək və qəbul etmək, eləcə də səsli və video zənglərdən istifadə etmək imkanını itirəcəklər.
