Telefonunuz dinlənilir? – Diqqət etməli olduğunuz MƏQAMLAR
Hüquq-mühafizə orqanlarının rüşvətxorluq ittihamı ilə həbs edilən keçmiş iqtisadi inkişaf naziri Aleksey Ulyukayevin telefon danışıqlarını uzun müddət izlədiyi bildirilirdi. O isə bundan xəbərsiz olub. Bəs adi vətəndaş telefon danışığı zamanı dinlənilib-dinlənilmədiyini necə anlaya bilər?
İnformasiya təhlükəsizliyi üzrə mütəxəssislər bir qaydanı xüsusilə vurğulayırlar: telefonda yalnız ictimaiyyətə açıqlansa peşman olmayacağınız mövzular barədə danışın. Çünki texniki baxımdan telefon rabitəsi tam təhlükəsiz hesab edilmir.
Söhbətləri kimlər dinləyə bilər?
Rusiyada telekommunikasiya operatorları SORM (Əməliyyat-İstintaq Tədbirləri Sistemi) adlı mexanizmə qoşulmalıdırlar. Bu sistem hüquq-mühafizə qurumlarına cinayətdə şübhəli bilinən şəxslərin danışıqlarını məhkəmə və ya səlahiyyətli qurumun icazəsi ilə izləməyə imkan verir.
Adətən belə dinləməni telefon danışığı zamanı birbaşa hiss etmək mümkün olmur. İstifadəçi bunu yalnız hüquqi prosedurlar başladıqda öyrənə bilər.
Bəzi hallarda, məsələn, yüksək vəzifəli şəxslərin iştirak etdiyi tədbirlər zamanı radioşəbəkədə şifrələmə müvəqqəti deaktiv edilə bilər. Belə vəziyyətdə telefon ekranında açıq kilid işarəsi və ya oxşar simvol görünə bilər.
Rəqəmsal müdaxilə və texniki dinləmə
Texniki baxımdan mobil şəbəkəyə müdaxilə edilərək üçüncü tərəfin konfrans zənginə qoşulması mümkündür. Beynəlxalq standartlara görə, belə hallarda danışıq zamanı vaxtaşırı qısa siqnal səsləri eşidilə bilər.
Əgər danışıq zamanı hər bir neçə saniyədən bir qəribə siqnal, xışıltı və ya naməlum səs eşidirsinizsə, bu, texniki nasazlıq da ola bilər, lakin əlavə qoşulma ehtimalını da istisna etmir.
Xpress.az
