Şəkidə elmi-praktiki konfrans keçirilib - FOTO
2026-cı ilin “Şəhərsalma və Memarlıq İli” çərçivəsində AMEA-nın Şəki Regional Elmi Mərkəzi və Şəki “Yuxarı Baş” Milli Tarix-Memarlıq Qoruğunun birgə təşkilatçılığı ilə “XVIII–XIX əsrlərdə Şəkidə memarlığın inkişafı” mövzusunda elmi-praktiki konfrans keçirilib.
Xpress.az xəbər verir ki, konfrans çərçivəsində AMEA Şəki Regional Elmi Mərkəzinin əməkdaşı İradə Yusifova “Şəki Xan Sarayı: mülahizələr, tarixi həqiqətlər və yanlışlıqlar”, Şəki “Yuxarı Baş” Milli Tarix-Memarlıq Qoruğunun elmi işçisi Sevil Mirzəliyeva “Şəkinin tarixi körpüləri”, Qoruqları İdarəetmə Mərkəzinin elmi işçisi Zəminə Rəsulova “Yuxarı Baş” Qoruğunun memarlıq irsi” mövzularında məruzələrlə çıxış ediblər.
Tədbir boyunca təqdim olunan məruzələr, aparılan təhlillər, elmi yanaşmalar və müxtəlif mənbələrə edilən istinadlar mövzuların daha dərindən anlaşılmasına imkan yaradıb.
Konfransda fikir mübadiləsi, tədqiqat təcrübələrinin paylaşılması, tarixi memarlıq nümunələri üzərində aparılan müzakirələr və müxtəlif baxış bucaqlarının səsləndirilməsi tədbirin yadda qalan məqamlarından olub.
Konfransın sonunda Şəki şəhərinin memarlıq irsini əks etdirən slayd-şou nümayiş olunub.
Günay ATİLLA
