Bakı-Tbilisi-Bakı qatar reysi birdəfəlik ləğv edilə bilər? – Baş redaktordan ironik münasibət: “AĞILLI OLUN!”
Bakı-Tbilisi-Bakı qatar reysi üzrə bilet qiymətləri cəmiyyətdə geniş müzakirə edilir. “Azərbaycan Dəmir Yolları” QSC-nin bu qiymət siyasətinə etiraz edən də var, bunu normal qarşılayan da.
Xpress.az saytı xəbər verir ki, “Publika.az” saytının baş redaktoru Natiq Muxtarlı da mövzuya social media hesabı üzərindən ironic münasibət bildirib.
Baş redaktorun yazdığı statusu olduğu kimi təqdim edirik: “Məsləhətdir ki, Tbilisiyə qatar biletləri ilə bağlı müzakirələri dayandırasınız. Nöşün ki, hökumətimiz sosialyönümlü, yəni xalqsevər hökumətdir. Buna şübhə etmədiyinizə əminəm. Hökumətimiz hazırda bu müzakirələri izləyir və xalqın bərk narahat olduğunu görərək özü də bərk narahat olur. Hökumətimizin ürəyi ağrıyır. Ona görə də, hökumətimiz qəflətən Bakı-Tbilisi qatarını birdəfəlik ləğv edə bilər. Xalqımızın mənafeyini əsas tutaraq. Yəni deməyim odur ki, ağıllı olun!”
