Ana səhifə
Xeyrəddin Qoca Kamal Abdullaya səsləndi: "Siz zamanında Ramiz Mehdiyevi..." - FOTO
Xpress.az Redaksiyası
22.05.2026 16:09
"Günay Ağamalı "uşaqpulu valideyinlərdə tənbəllik yarada bilər" fikrini söyləyəndən bəri fikirləşirəm ki, bu uşaqpulunu nə qədər verəcəklər ki, valideyinlər də, uşaqlar da dolana biləcək, valideyinlərin işləməsinə ehtiyac qalmayacaq? Kamal Abdulla da buna bənzər akademik səhv edib! Deyib ki, qadınlar işləməsələr yaxşıdır".
Xpress.az xəbər verir ki, bu barədə qocaman YAP-çı, yazıçı, dövlət və siyasi xadim Xeyrəddin Qoca sosial media hesabında bildirib.
O qeyd edib ki, indi XVI əsr deyil: "Əvvəla, indi XVI əsr deyil! Bir də hörmətli Kamal müəllim, kişilərin qadınları dolandlrmağa maaşları çatacaq? Deyirsiniz xüsusi istedadları olan qadınlar işləsinlər. Dövlət vəzifələrində işləyən qadınların hansının xüsusi istedadı var? Bəlkə, siz "xüsusi istedadı olan qadın" deyəndə Günay Ağamalını nəzərdə tutursunuz?! Kamal Abdulla, siz zamanında Ramiz Mehdiyevi "renosans dövrünün titanik filosoflarına" bənzətmişdiniz! O, "renosans dövrünün titanik filosoflarına" bənzəyirsə, Günay Ağamalı da XXl-ci əsrin titanik xüsusi istedadl olan qadını ola bilər!"
