Lətifə Soyuöz aparıcılıq edəcək
Vokal ifaçısı Lətifə Soyuöz bu dəfə aparıcı kimi tamaşaçıların qarşısına çıxacaq.
Xpress.az xəbər verir ki, o, MTV televiziyasında yayımlanacaq “MTV Maqazin” verilişinin aparıcısı olacaq. Proqram həftəiçi 5 gün, saat 13:00-da efirə gedəcək. Ümumilikdə proqram gün ərzində 3 dəfə ekrana gələcək.
Verilişdə maqazin gündəmi, maraqlı hadisələr, kliplər, musiqilər və məşhurların açıqlamaları yer alacaq. Şənbə günü isə proqram “MTV Maqazin Yekun” adı ilə tamaşaçılara təqdim olunacaq.
Qeyd edək ki, layihə Türkiyə ilə də əməkdaşlıq edəcək. Xüsusi müxbir türk məşhurların özəl görüntülərini və müsahibələrini hazırlayacaq.
Onuda vurğulayaq ki, Lətifə Soyuöz " Soyuöz" soyadından imtina edib. İndi o Latifa kimi izləyiciləri ilə görüşəcək.
