Turşu hazırlayarkən nəyə diqqət etmək lazımdır?
Piştaxtalarda payız-qış tərəvəzləri görünməyə başlayanda, ev turşusunun hazırlanması da gündəmə gəlir.
Bağırsaq florasını zənginləşdirmək, immuniteti gücləndirmək və metabolizmanı tənzimləmək kimi faydaları ilə önə çıxan ev turşusu, doğru texnika ilə hazırlanmazsa ziyanlı mikroorqanizmlərin yayılmasına səbəb ola bilər.
Fermentasiya prosesi nəticəsində yaranan “yaxşı bakteriyalar” orqanizmdə probiotik təsir göstərir. Bu da həm bağırsaq sağlamlığını qoruyur, həm də orqanizmin zərərli mikroblara qarşı müqavimətini artırır. Turşu eyni zamanda vitamin C, A, K və bəzi B qrup vitaminləri ilə zəngindir.
Mütəxəssislər qeyd edir ki, evdə hazırlanmış təbii turşular hazır məhsullardan daha faydalıdır, çünki tərkibində konservant və süni qatqılar olmur.
İmmuniteti gücləndirən, həzmi tənzimləyən və qış aylarında soyuqdəyməyə qarşı bədəni qoruyan ev turşusu — təbii probiotik qaynağı kimi gündəlik qidalanmada dəyərli yer tutur.
Mütəxəssis məsləhətlərinə görə, turşuya başlamazdan əvvəl istifadə ediləcək tərəvəzlər zədəsiz olmalı, qablar (əsasən şüşə) sağlam və hava keçirməyən şəkildə bağlanmalı, duz və asidlik səviyyəsi diqqətlə tənzimlənməlidir. Fermentasiya müddəti 4-6 həftədir. Turşunun səthində görünsə də, ağ ləkə dərhal təmizlənməli, duzlu olduğuna görə yüksək qan təzyiqi, böyrək xəstəlikləri, ürək problemləri olanlar üçün diqqətli istehlak tövsiyə edilir.
