AMEA alimlərinə və təhsil işçilərinə yeni mənzillər veriləcək" — İsa Həbibbəyli

Azərbaycan Milli Elmlər Akademiyasının (AMEA) prezidenti, akademik İsa Həbibbəyli bildirib ki, Akademiyanın alimləri, eləcə də elm və təhsil sahəsində çalışan işçilər üçün Saray qəsəbəsində yeni yaşayış binaları inşa olunur. Xpress.az xəbər verir ki, 
İsa Həbibbəyli bu barədə  Manset.az-a verdiyi  müsahibəsində məlumat verib.Onun sözlərinə görə, hazırda alimlərə veriləcək mənzillərin tikintisi davam edir və artıq bir neçə bina istifadəyə hazır vəziyyətə gətirilib:
“Təxminən 10 il əvvəl cənab Prezidentin Sərəncamı ilə Akademiyanın alimlərinin, həmçinin elm və təhsil sahəsində çalışan işçilərin mənzil problemini həll etmək məqsədilə Abşeron rayonunun Saray qəsəbəsində böyük torpaq sahəsi ayrılıb. Həmin ərazidə elm və təhsil işçiləri üçün çoxmərtəbəli yaşayış binalarının inşasına başlanılıb. Artıq birinci və ikinci binalarda tikinti işləri başa çatıb. Mənim rəhbərliyim dövründə isə üçüncü binanın inşası başa çatmaq üzrədir. Bu mənzillər ipoteka qaydalarına uyğun şəkildə təqdim ediləcək.”