Meşədə ayı şəkli çəkmək QADAĞAN EDİLDİ

Novosibirsk bölgəsində vəhşi heyvanların yaşayış məntəqələrinə hücumu artıb.

Xpress.az xəbər verir ki, son zamanlar Novosibirsk bölgəsində ayı, cüyür və maral kimi heyvanların insanların yaşadığı ərazilərin yaxınlığında daha tez-tez görünməsi qeydə alınıb. Rusiyanın Regional Təbii Sərvətlər Nazirliyi bu halların qarşısını almaq üçün xəbərdarlıq yayıb.  

Nazirliyin məlumatına görə, payız aylarında heyvanların təbii yaşayış yerlərini tərk etməsi və qida axtarışı ilə əlaqədar insanların yaşadığı ərazilərə axın etməsi halları artıb. “Bostanlarda sahələrində meyvələrin qoxusu heyvanları cəlb edir. Bundan əlavə cüyürlərin payızda cütləşmə mövsümünə daxil olması ilə əlaqədar yaşayış məntəqələrinə daxil olurlar".

Nazirlik vətəndaşlara vəhşi heyvanlarla mübarizə zamanı təlaşa düşməməyi, ani hərəkətləri heyvanların təhdid kimi qiymətləndirdiyini bildirib. 

"Yavaş-yavaş, tələsmədən, yırtıcı ilə göz təmasından qaçaraq geri çəkilməyə başlayın. Birbaşa baxış çətinlik, güc və təcavüz nümayişidir. Heyvanın yolunu kəsməyin, kənara çəkilin,  onun qaçmasına icazə verin. Divarlarda heyvan rəsimləri çəkməyin. 

Heyvan yaxınlaşarsa, yüksək səslə danışa bilərsiniz, ancaq qışqırmayın. Qışqıraraq qaçmaq isə tövsiyə edilmir - bu davranış yırtıcıda təqib instinktini oyadır".