ABŞ Vaşinqton meri ilə bağlı antikorrupsiya araşdırması başlayıb

ABŞ Ədliyyə Nazirliyi, Vaşinqton meri Muriel Bouzerin xarici səfəri ilə bağlı antikorrupsiya araşdırmasına başlayıb. Araşdırma səfərin Qətər tərəfindən maliyyələşdirilib-keçirilməsi ehtimalı üzərində aparılır..

Mənbələr bildirir ki, istintaq bir neçə aydır davam edir və seçki kampaniyalarının maliyyələşdirilməsi qanunları və korrupsiyaya qarşı mübarizə qanunvericiliyinin pozulma ehtimalları ilə bağlıdır. Rüşvət ittihamı irəli sürülməsi üçün merin Qətər adından hərəkət edib-etmədiyi araşdırılır. Qəzet qeyd edir ki, bu istiqamətdə hələ heç bir dəlil yoxdur.

Meriyanın özü NYT-yə bildirib ki, istintaqdan xəbərsizdir və səfərin "işgüzar xarakter daşıdığını" vurğulayıb: “Vaşinqton rəsmiləri Vaşinqtonu investisiya və inkişaf üçün tanıtmaq məqsədilə müntəzəm olaraq xarici səfərlər təşkil edir.”

Bouzer Demokratdır və 2015-ci ildən bəri Vaşinqton meri vəzifəsindədir. 2023-cü ildə o və dörd əməkdaşı BMT-nin İqlim Dəyişikliyi Konfransı üçün Dubaya səfər edib. Əvvəl iddia edilirdi ki, səfər ABŞ Merlər Konfransı tərəfindən maliyyələşdirilib, lakin daha sonra məlum olub ki, təşkilat səfəri yalnız qismən maliyyələşdirib və Bouzer Dubaya Dohadan gəlib. NYT-nin məlumatına görə, Qətər Bouzerin Dohaya səfərinə 61.000 dollardan çox ianə edib.