Avropa rus turistlərinə “çoxgirişli” qapını bağlayır
Xpress.az xarici KİV-ə istinadən xəbər verir ki, Avropa Komissiyası Avropa İttifaqı ölkələrinə rusiyalı vətəndaşlara çoxgirişli Şengen vizalarının verilməsini dayandırmağı tövsiyə edib. Qurumun açıqlamasında bildirilir ki, bu qərar Ukraynada davam edən müharibə fonunda təhlükəsizlik və miqrasiya riskləri ilə bağlıdır.
Hazırda bir sıra Aİ və Şengen zonası ölkələri — o cümlədən Estoniya, Latviya, Litva, Polşa və Çexiya — Rusiya vətəndaşlarının ölkəyə girişini məhdudlaşdırıb və ya tamamilə dayandırıb.
Bununla yanaşı, bəzi Avropa dövlətləri, məsələn, Fransa, İtaliya, İspaniya və Yunanıstan hələlik rusiyalı turistlərə viza verməyə davam edir, lakin çoxgirişli (çoxillik) vizaların sayı kəskin azalıb.
