Bərpa işləri apararkən XƏZİNƏ TAPDILAR
Tamil Nadu’dakı Sivan Məbədi bərpa işləri aparan işçilər torpaq altında gömülü 103 qızıl sikkə tapdılar. Bu kəşf bölgədəki arxeoloji tədqiqatlara yeni istiqamət verə bilər.
Hindistanda bir məbəd bərpası zamanı aparılan qazıntılar tarixi işıqlandıracaq bir kəşfi üzə çıxardı. Tamil Nadu əyalətindəki Sivan Məbədi işçiləri torpaq altında gömülü 103 qızıl sikkə ilə dolu gil qab tapdılar. Mütəxəssislər bildirirlər ki, sikkələr XIII əsrdə hökm sürən Çola Krallığı dövrünə aid ola bilər. Bu kəşf bölgədəki arxeoloji və tarixi tədqiqatlar üçün böyük həyəcan yaradıb.
Hindistanın Tamil Nadu əyalətinə bağlı Polur şəhərində Sivan Məbədi bərpa işləri aparan işçilər qazıntı zamanı gil qabla rastlaşıblar. Qabı açdıqda içindən tam 103 qızıl sikkə çıxıb. Hadisə qısa zamanda ölkə gündəminə gəlib.
NDTV-nin verdiyi məlumata görə, məbəd XIII əsrdə hökm sürən Çola kralı Raja Raja III dövründə inşa olunub. Bu da sikkələrin təxminən 700–800 yaşında olduğunu göstərir.
Tapılan sikkələr təhlükəsizlik tədbirləri altında Hindistan Vergi İdarəsi və Hindu Dini və Xeyriyyə Təşkilatları Departamentinə təhvil verilib. Mütəxəssis qruplar sikkələrin hansı dövrə aid olduğunu və hansı məqsədlə gizlədildiyini müəyyən etmək üçün analizə başlayıblar.
İlkin nəticələrə görə, sikkələrin məbədin quruluş dövründə edilən ianələr ola biləcəyi düşünülür. Arxeoloqlar qeyd edirlər ki, bu tip məbədlər adətən dini mərasimlərdə edilən adakların saxlandığı mərkəzlər olur.
Tamil Nadu, Hindistanın ən qədim sivilizasiyalarından biri olan Çola İmperiyasının mərkəzi kimi tanınır. Son illərdə bölgədə qızıl, bürünc və daş əşyalar daxil olmaqla çox sayda xəzinə üzə çıxarılıb.
Bənzər bir hadisə bir neçə ay əvvəl İngiltərənin Rozmark kəndində yaşanmış, arxeoloqlar torpaq altında 3.000 illik bürünc zinət əşyaları kəşf etmişdilər.
