ABŞ və Fransa Suriyanı parçalayan plana dəstək verir? – Ekspertdən ŞOK İDDİALAR
“BMT-nin məlumatlarına görə, Suriya əhalisinin cəmi 3–5 faizini təşkil edən kürdlərin böyük hissəsinin dəstəkləmədiyi YPG/PYD/PKK terror təşkilatı, ABŞ və Fransanın hərbi-maliyyə dəstəyi ilə Suriyanın təxminən 30 faizinə nəzarət edərək özünü “hakim qüvvə” kimi təqdim edir”.
Bu fikirləri Türkiyəli hərbi və təhlükəsizlik eksperti Abdullah Ağar Xpress.az - a danışarkən qeyd edib. O, bildirib ki, təşkilat uzun müddətdir ki, Suriyanın artıq vahid, unitar dövlət kimi qala bilməyəcəyini iddia edir:
“Bu fikirlər bu gün də dəyişmir və indi İraqın Duhok şəhərində Barzani rəhbərliyinin iştirakı ilə keçirilən toplantılarda təkrar səsləndirilir.
Halep və Dəməşqdəki müharibələrdən sonra ABŞ–Fransa xətti ilə irəli aparılan, Duhokda yaşanan “uğursuzluğun yeni mərhələsi” kimi xarakterizə olunan “İraqın şimalı – Suriyanın şimalı” yaxınlaşması indi əməkdaşlıq və inteqrasiya səviyyəsinə keçib.
Neçirvan Barzani: “Suriya üçün mərkəzi idarəetmə artıq düzgün model deyil,” — deyərkən, YPG/PYD rəhbərlərindən Mazlum Abdi: “Suriya mərkəzi dövlət sisteminə qayıda bilməz,” — ifadəsini işlədir.
Bu proses təkcə İraqın və Suriyanın şimalını deyil, bütün regionu — Suriyanı, İraqı, İranı və xüsusən də Türkiyəni birbaşa maraqlandırır. Regionu sarsıda, hətta parçalaya biləcək ssenarinin səssiz-səmirsiz irəlilədiyi açıq görünür.
Bu mərhələdə xarici güclərin məqsədi, İraq və Suriyanın şimalını faktiki olaraq birləşdirəcək hibrid, post-modern, hərbi-siyasi xarakterli bir “İrəlidəki Karakol Dövləti” yaratmaqdır.
Onlar addımlayır…
Biz isə sadəcə seyr edirik.
Həm Qəzzada, həm Suriyada, həm də “unitar dövlətə güzəştlər gözlənilən, amma ‘terrorsuz’ göstərilən Türkiyə prosesi” çərçivəsində:
təsəlli tapmağa və təsəlli verilməyə,
yatmağa və yatırılmağa,
ümid etməyə və ümid etdirilməyə,
gözləməyə və gözlədilməyə,
inanmağa və aldadılmağa
davam edirik.
Tarix, millət, həqiqət və Yaradan bu dövrü və bu prosesdə rol oynayanları necə xatırlayacaq — bunu zaman göstərəcək”.
