Bu şəhərə köçənlərə pulsuz ev və əlavə maaş verilir
Buraya köçənlərə pulsuz ev verilir, üstəlik onlara pul da ödəyirlər
Dünyanın bir çox ölkəsində əhalisi sürətlə azalan qəsəbələr yenidən canlanmaq üçün cəlbedici təşviqlərdən istifadə edirlər. İtaliyanın Siciliya adasındakı Gangi qəsəbəsi bu hərəkatın ən tanınmış nümunələrindən biridir. Uzun illərdir boş qalan tarixi evlər yeni sakinləri cəlb etmək üçün pulsuz verilir. Lakin bir şərt var: Evlər müəyyən müddət ərzində təmir edilməlidir. Gangi-dən sonra Siciliya və Sardiniya başda olmaqla İtaliyanın bir çox bölgəsi eyni modeli tətbiq etməyə başlayıb və bu maraqlı metod son zamanlar turistlərin belə diqqətini çəkib.
Bu təşəbbüs yalnız İtaliya ilə məhdudlaşmır. Sardiniya adası, kənd yerlərinə köçəcək şəxslərə 15 min avro qrant verir. Ev qiymətlərinin aşağı olduğu bu qəsəbələrdə məqsəd əhali itkisini dayandırmaq və gənc ailələri bölgəyə cəlb etməkdir. Oxşar siyasət İspaniyada da tətbiq olunur. Asturias və Ponga kimi əhalisi yaşlanan kəndlər, yerləşmək istəyən ailələrə 3.000–10.000 avro arasında dəstək təqdim edir. Uşağı olanlara əlavə ödəniş edilməklə kənd həyatına dönüş təşviq olunur.
Avropadakı təşviq proqramları bununla da bitmir. ABŞ-ın Kansas və Oklahoma ştatları, bölgəyə köçəcək işçilərə 10 min dollar qrant verir. Xüsusilə rəqəmsal işçilər, uzaqdan çalışan gənclər və ailələr hədəf alınır. Kanadanın Cape Breton bölgəsi isə boşalan qəsəbələri canlandırmaq üçün ailələrə pulsuz torpaq verir və bölgədə biznesi devralmaq istəyənlərə vergi güzəştləri təqdim edir.
Yunanıstan da oxşar addım atıb. Antikitira adası, adaya köçən ailələrə pulsuz ev, üç il boyunca aylıq 500 avro ödəniş və uşaq başına əlavə dəstək verir. Bu kiçik ada yox olma təhlükəsi ilə üzləşdiyi üçün mütləq yeni sakinləri cəlb etməlidir.
Dikkət çəkən başqa bir model isə İrlandiyanın tərk edilmiş adalarında tətbiq olunur. Köhnə daş evləri bərpa etmək istəyənlərə 30 min avroya qədər təmir qrantı verilir. Xüsusilə rəqəmsal köçərilərin (digital nomads) bu ərazilərə yerləşməsi dəstəklənir.
Oxşar əhali yeniləmə siyasəti Finlandiyanın Lestijärvi qəsəbəsində də görülür. Bu kiçik qəsəbə, uşağı olan ailələrə 10 min avro ödəniş edərək gənc əhalini geri cəlb etməyə çalışır.
