Minlərlə uşaq təxliyə edildi
Vyetnam müharibəsindən sonra yetim qalmış uşaqların təhlükəsizliyini təmin etmək məqsədilə ABŞ, Fransa, Avstraliya və Kanada tərəfindən xüsusi humanitar əməliyyat – “Operation Babylift” həyata keçirilib. 1975-ci ilin 3–26 aprel tarixlərini əhatə edən əməliyyat zamanı minlərlə Vyetnamlı uşaq müharibə zonasında çıxarılaraq müxtəlif ölkələrə aparılıb və övladlığa verilərək yeni ailələrə qovuşdurulub.
Məlumata görə, genişmiqyaslı əməliyyata ümumilikdə 30-a yaxın təyyarə cəlb edilib.
Bununla belə, əməliyyatın ilk günü faciə ilə yadda qalıb. Uşaqları daşıyan ilk təyyarə havadaykən yük qapısının açılması nəticəsində qəzaya uğrayıb. Hadisə zamanı 78-i uşaq olmaqla 138 nəfər həlak olub.
Xpress.az
